Free-Medical-Faisalabad

الاحسان ویلفیئر فاﺅنڈیشن اسلام آباد کے تحت سمندری میں میڈیکل کیمپ کا انعقاد300سے زائد مریضوں کا طبی معائنہ اور بہترین ادویات کی مفت فراہمی

مولانا بہادر علی سیف کی نگرانی میں لگائے گئے کیمپ میں ڈاکٹر سید سہیل عباس نے خدمات انجام دیں

الاحسان ویلفیئر فاﺅنڈیشن اسلام آباد کی طرف سے فیصل آباد کی تحصیل سمندری میں ایک روزہ فری میڈیکل کیمپ کا اہتمام کیا گیا ۔ میڈیکل کیمپ مولانا بہادر علی سیف امیر تحصیل مرکزی جمعیت اہل حدیث سمندری کی نگرانی میں لگایا گیا جبکہ حافظ منظور الہٰی نگران الاحسان ویلفیئر فاﺅنڈیشن پاکستان نے کیمپ کا معائنہ کیا۔ کیمپ میں گردونواح سے کثیر تعداد میں مردوخواتین ،بچوں اور بزرگوں نے طبی معائنہ کے بعد بہترین ادویات فری حاصل کیں۔ ڈاکٹر سید سہیل عباس نے مریضوں کا طبی معائنہ کیا۔ اس موقع پر گفتگو کرتے ہوئے مولانا بہادر علی سیف نے کہا کہ الاحسان ویلفیئر فاﺅنڈیشن دکھی انسانیت کی خدمت میں صحیح معنوں میں مصروف عمل ہے اور اس کے کارکن بے لوث خدمات انجام دے رہیں ہیں۔اہل علاقہ نے الاحسان ویلفیئر فاﺅنڈیشن اسلام آباد کے اس احسن اقدام کو سراہتے ہوئے اسے آئندہ بھی جاری رکھنے کا کہا۔ کیمپ کے موقع پر تنظیم کے صدر راشد شیخ،جنرل سیکریٹری آصف حبیب، سینئر نائب صدر چوہدری محمد اسحاق، شبیر نیازی ، حافظ یاسر،عبیدالرحمن اور عبدالحمید نے بھی خدمات انجام دیں۔

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>